Аз моҳи декабри соли 2018 дар дафтари Радиои Озодӣ дар Душанбе кор мекунад. Дар гузашта хабарнигори нашрияи "ИмрӯзNews" ва Оҷонси иттилоотии "Озодагон" буд. Хатмкардаи факултаи рӯзноманигории Донишгоҳи миллии Тоҷикистон.
Баъди ду ҳафтаи баста будан, дари масҷидҳои Тоҷикистон рӯзи 20-уми март дубора боз шуд ва садои азон баланд гардид.
Раиси ҷумҳури Тоҷикистон дар мулоқоти солонааш бо зиёиёни кишвар аз асардуздии олимони тоҷик ва ифшо шудани 40 мавриди он тавассути пойгоҳи "Диссернет" танқид кард.
Марги як донишҷӯи Донишкадаи олии сарҳадии Кумитаи давлатии амнияти миллии Тоҷикистон, ки дар он ду афсар ва ё омӯзгори ин донишкада муттаҳаманд, додгоҳӣ шуд.
Бо шиддат гирифтани даъвову баҳс сари чарогоҳҳо ва афзудани норозигии мардуми деҳот, мақомоти Тоҷикистон комиссияи махсусе барои ҳалли ин мушкил таъсис додаанд. Комиссияи ба танзим овардани чарогоҳҳо бояд коре кунад, ки байни мардуми деҳот ва моликони чарогоҳҳо ҷанҷолу кашмакаш сар назанад.
Рӯзи 6-уми март аз воҳима ва навбати дарози мардум барои харидани орд дар бозору дӯконҳои Душанбе тақрибан нишоне намонда буд. Баръакс, тоҷирон бо мошину дӯконҳои пур аз орд мунтазири харидор меистоданд.
Таҳлука ба сабаби густариши вируси нав дар кишварҳои ҷаҳон ба Тоҷикистон таъсир гузоштааст, ки мардум хариди ниқобу маҳсулоти беҳдоштиро зиёд кардаанд.
Шӯрои уламои Маркази исломии Тоҷикистон "ба хотири пешгирӣ аз сирояти коронавирус", ки то ин дам дар ҷаҳон боис ба марги беш аз 3 ҳазор нафар шудааст, машварат дод, хондани намоз дар масҷидҳои ҷомеъ, панҷвақта ва ҷамоатхонаҳои кишвар муваққатан манъ шавад.
Шукурҷон Зуҳуров, раиси Маҷлиси Намояндагони Тоҷикистон, дар ҷаласаи хотимавии палатаи поёнии порлумон кори панҷсолаи онро ситоиш кард. Баръакси он ки мухолифон кори ҳайати ҳозираи порлумонро чашмрас намедонанд ва онҳоро бештар барои сукут дар баробари мушкилоти мардум танқид мекунанд.
Шукурҷон Зуҳуров, раиси Маҷлиси Намояндагони Тоҷикистон, дар ҷаласаи хотимавии палатаи поёнии порлумон кори панҷсолаи онро ситоиш кард.
Ҳукми раҳбари ширкати "Инвест Лото" ва ҳамроҳонаш, ки ба гуфтаи худашон бозии шаффоф доштанд, вале ба қавли мақомот ба ташкили қиморхона, қаллобӣ ва муомилоти ғайриқонунии асъор муттаҳаманд, эълон шуд.
Ба 46 донишҷӯи бозгашта аз шаҳри Вуҳани Чин пас аз 15 рӯзи нигоҳдорӣ дар осоишгоҳи "Харангон" иҷоза доданд, ки ба хонаҳояшон баргарданд. Ҳамаи онҳоро рӯзи 26-уми феврал ҷавоб доданд. Ин афрод рӯзи 11-уми феврал аз Чин ба Тоҷикистон оварда шуданд.
Лӯлиёни деҳаи Шодоб-1 дар ноҳияи Варзоб мегӯянд, дар интихоботи порлумонӣ дар рӯзи 1-уми март ширкат мекунанд, аммо "намедонанд, ки номзад аз ҳавзаи онҳо кист".
Лӯлиёни як деҳаи наздик ба Душанбе мегӯянд, ки даъватнома ба интихоботро гирифтанд, вале намедонанд, ба кӣ раъй бидиҳанд.
Гурӯҳе аз донишҷӯёни тоҷик, ки бо хуруҷи вируси хатарноки "корона" дар Чин аз он кишвар ба Тоҷикистон баргаштаанд, дар ташвишанд, ки дар ватан онҳоро ба сафи артиш ҷалб мекунанд.
Айбдоркунандаи давлатӣ аз додгоҳи Душанбе барои Муҳиддин Назаров, раиси ширкати “Инвест лото” ва чанде аз ҳамроҳонаш, ки ба ташкили қиморхона, қаллобӣ ва муомилоти ғайриқонунии асъор муттаҳаманд, аз 6 то 23 сол зиндонро талаб кардааст.
Ёфтҳои бештар
